Manter e comprobar o funcionamento dos medios materiais empregados na prevención e intervención ante riscos de incendios e emerxencias; realizar as actuacións de vixilancia e extinción de incendios forestais e urbanos; intervir operativamente en sucesos de orixe natural, tecnolóxica e antrópica; e realizar a inspección de establecementos, eventos e instalacións para a prevención de incendios e emerxencias, cumprindo a normativa vixente e en condicións de seguridade.
Ámbito profesional: no sector da prevención e extinción de incendios forestais, apoio en continxencias do medio natural e rural, e Protección Civil, así como en servizos públicos de atención de emerxencias e corpos de bombeiros.
Saídas profesionais
- Capataz/a-encargado/a de extinción de incendios forestais
- Bombeiro/a forestal
- Vixilante de incendios forestais
- Bombeiro/a de servizos municipais, provinciais e autonómicos
- Bombeiro/a de servizos mancomunados e consorciados
- Técnico/a en emerxencias das Forzas Armadas
- Bombeiro/a de aeroportos
- Bombeiro/a de empresa privada