Axenda

Inicio das clases do curso 2026/2027

Luns, 24 de Agosto de 2026
Todo o centro
Acto
2026-2027

O martes 15 de setembro de 2026 comezan as clases no CIFP As Mercedes para todo o alumnado dos ciclos formativos de grao básico, medio e superior, tanto no réxime ordinario coma na modalidade para persoas adultas. A primeira xornada dedícase á presentación dos módulos, do equipo docente e das normas de organización e funcionamento do centro, de xeito que o alumnado poida comezar o curso con toda a información necesaria.

O alumnado de primeiro curso debe acudir á hora que se indique na convocatoria do seu ciclo, que se publicará nos taboleiros do centro e nesta web durante a semana anterior ao inicio. O alumnado de segundo curso incorpórase directamente ás aulas e aos obradoiros segundo o horario do seu grupo. Os horarios definitivos de cada grupo estarán dispoñibles na Aula Virtual desde os primeiros días de setembro.

Que debes traer o primeiro día

  • DNI ou NIE en vigor.
  • Resgardo da matrícula.
  • Material básico de escritura.
  • Nos ciclos con obradoiro, o equipamento de protección individual que indique o departamento.

Se tes dúbidas sobre a túa matrícula ou sobre o grupo que che corresponde, ponte en contacto coa secretaría do centro a través da páxina de contacto ou consulta a oferta formativa para coñecer os ciclos que impartimos. Desexámosche un bo comezo de curso!